Agrigento, antichi canti popolari della provincia

.

I

QUANNU nascisti tu, gran giglio d’oro,

Li vicineddi to si cunsolaru.

 Quantu juriddi e panipineddi d’oro

Tutti ‘n capu di tia li spampinaru.

Quannu a la chiesa a vattiari ti jeru

 Triccentu ‘ntorcci a lu fonti addumaru.

‘Un mi cci fari pinsari ca nni moru:

 L’amuri chi t’avia sempri ti l’ haju.

Cianciana                                                                

II

Duminica manna ti susisti,

Bedda li to billizzi ‘adurnasti.

A la missa a la matrici ti tini jisti,

A lu giru di mia t’addinuccbiasti.

Cu l’occhi a pampinedda ti mittisti,

Ca la pirsuna me l’ammarsamasti.

A lu nesciri nenti mi dicisti,

Ca ada mia assintumatu mi lassasti !…

S. Stefano Quisquina

III

 Bedda c’ha lu culuri di lu vinu,

Bedda ca fusti fatta a lu me senu.

Bedda ca fusti nata ‘ntra un jardinu,

Vattiatedda a lu fonti di lenu.

E quannu ji mi mettu a tavulinu

Lu manciareddu miu torna vilenu.

E tu chi dormi nni ssu to littinu,

E ji dormu cca fora a lu sirenu.

Ribera

IV

Rosa di primavera ‘mmuttinata,

Cu ssi billzzi mi teni ‘n amuri.

Ca sì tutta di rosi firriata:

Stannu assuggettu a ti li  ‘mperaturi.

Rosa di lu me cori disiata,

Tutti li quarti, li mumenti e l’uri.

Rosa ca ti tinissi ‘ncristallata

Mmenzu di gersuminu, rosi e jiuri.

Cattolica-Eraclea

 .

Cardidduzzu  tu ji, tu sì  la quaglia,

Lu lebbru sugnu ji, tu la cuniglia.

Focu forti su ji, tu sì la paglia,

Lu vinu sugnu ji, tu la buttiglia.

Lu cuteddu sì tu, sti carni taglia,

Lu focu sugnu ji, tu la gradiglia.

Nni trova a tutti du’ ntra ‘na tuvaglia

Quannu dda morti latra uni piglia.

Cianciana

Mina lu ventu e lu massaru spaglia;

Lu currireddu chi cunta li miglia.

Lu cacciaturi assicuta la quaglia,

E l’assicuta ‘nsinu chi la piglia.

Lu cuniglieddu ‘nti la rita ‘ncaglia

Accussi ‘ncaglirò cu bostra figlia.

Ora ch’è binciuta sta battaglia

Si mi curcu crt bui ‘un è maraviglia.

S. Biagio Platani

•  Amuri ntra lu sonnu mi vinisti,
• Ca ‘ncapu lu me lettu t’assillasti,

Ca mi i’d diri dunn’è chi trasisti: Li porti eranu chiusi e li sfirmasti. Ca ducentu carizii mi facisti, Sparti li vasateddi chi mi dasti.

A la mstina, quannu ti nni jisti, Chi pena a lu me cori mi lassasti.

Cattolica-Eraclea

Bedda, prima di nasciri l’amavau;

Ora fora di giustu chi t’avissi.

To mamma era a lu vancu chi prigava:

— Forsi na figlia fimmina facissi ! —

La mammaredda la priviliggiassi,

Ca li carnuzzi to ‘un ti li siringissi.

Lu parrineddu, chi ti vattiassi,

Di nnomu Rusidduzza ti mintissi.

S. Angelo lo Mussaro

‘Na canmmaredda d’oru fabbricassi: Da dintra la me ‘manti ci mittissi. ‘Na siggitedda d’oro ci stampassi, Quantu la me ‘manti ci sidissi.

Un littuzzu cu li moddi ci facissi, Quantu pigliassi a mia e m’annacassi. Cu ‘nzèmmula cu idda ci durmissi… Oh Diu! chi piaciri ci sitiissi

Alessandria della Rocca

Lu tradintaru fa milli tradenti

E lu pitturi milli carli pingi.

Lu citarraru fa milli strumenti

Ca po’ ci accorda li quarti e li quinti.

Ca l’uritulanu cu li so simenti

Prima fa li caseddi e po’ li minti.

Su li viscotta chi hannu a cumprimenti,

Li megliu donni e l’òmini chiù tinti:.

Cianciana

Nta ssa cammara to ci manca un chiuovu;

Mpiccicari lu vuogliu si ci arrivu.

Cu sugnu figliu d’un nutaru nuovu:

‘Nta ‘na banca d’amori lieggiu e scrivu.

Lieggiu liggiennu na littira truovu,

Fazzu lu ‘nnamuratu muortu vivu.

Ssi mascidduzzi lo su un russu d’uovu,

Ca a mia la gilusia mi mancia vivu.

Casteltermini

Comu jiè fari a scurdarimi a tia,

 Ca tu ‘un eratu nata e ji t’amava.

To mamma ‘un t’avia pi fantasia,

Lu me cori di tia si ‘nnammurava. Ora ca tu nascisti rosa fina,

Vidi si lu me cori si ‘ngannava.
Ora ca ci arrivasti a essiri mia
Passa lu tempu chi ti disiava.

Siculiana

Bedda, li to saluti m’arrivaru Siggillateddi nti ‘na littra d’oru.

Di pasta finulidda ti ‘tnpastaru

Di zuccaru, cannedda e fila d’oru. Nta un fonti barbanera ti jittaru

 Pi dariti battisimi e ristoru.

 Ti misiru lu nnomu e ti chiamaru Rusidda, jiatu miti, stinnardu d’oru.

Lucca

Cara cascina mia guanti’ m’amati

E quanti’ stremu beni mi vuliti !

Tenpu’ di ‘nvernu, sti longhi nuttati,

‘Ncapu lu vostru pettu mi tiniti.

Ji vi toccu ssi carni dilicati

E ssi minnuzzi morbiti c’aviti.

E po’ nni dammu tanti di vastii

Comu quannu s’ inguaggianu du ziti

Cianciana

XV

Curuzzu cu lu dissi ca nun t’amu?

Tu a’ statu e tu sarà l’amuri estremu.

Unn’è chi ni videmu n’abbrazzamu

E li manuzzi forti ni strincemu.

E tutti du’ la notti ni sunnamu,

Ca nni cridemu ca ‘nzemmula semu

Ddoppu stamu tri jiorna ca ‘un videmu…

Bedda ca tutti du’ n’assintumamu

Grotte

 .

Chianciti amici me, tutti chiancemu,

Tutti quanti lu bisitu purtamu.

C’avi se anni chi ‘un nni videmu,

Ccdà c’ è l’amanti mia, chidda chi amu.

Comu ti l’à passatu amuri ‘stremu,

Di tantu tempu chi semu luntanu

Ci dico du’ canzuni e nni ni jiemu;

L’aggenti di sta srata salutamu.

Comitini

XVII

Ti mannavu ‘na littra  jiamma mia,

Tutta d’amuri la sentu parlari.

Mentri la carta e la pinna scrivìa,

Lu me’ cori chiancia a lacrimari.

Sugna luntanu, ‘un ti pozzu parlari,

Carta, pàrlaci tu, scanciu di mia.

Bonu viaggia e luntanza sia.

Tu ‘un dormi e ji ‘un pomi arripusari.

Cianciana

 .

Quannu nascivu li sempri arridennu

Tutti li schetti jivanu cantannu.

Cu m’annacava, cu mi tinìa ‘n vraua,

Cu dicia a l’a lò jamnnuzza mia.

A cu paria beddu ‘ntra li vrazza,

Cu mi guardava la filusumia.

Ora tutti li schetti s’arrassaru :

Forsi chi si scantassiru di mia.

Cianciana

Vinni a cantari ni ‘sta nova sfrata,

Cu lu prummissu di lu sdilligatu.

Iddu mi dissi: — A cantari pulitu,

Mannò ti ci mettu carzaratu.

-Ji sissignura, ci cantu pulitu,

Ca di li donni vogliu essiri amatu. —

Tu vo’ sapiri quannu mi maritu?

Quannu m’allibertu di surdatu.

Alessandria della Rocca

Tari, tari, tirò corna facemmu?

Di notti ‘un si po jiri cautinannu.

Si ti scontra la nutturna meru jornu,

Ti dici – artì culà chi ba facennu?

 Ji ci lu dicu ca vaju cantannu,

Pi na picciotta ch’è ni stu cuntornu. Tu sula mi fa  jiri spasimannu,

Di quantu beddi c’ è nni stu cunturnu

Cianciana

XXI.

Ti nni rammenti di dda siritina, Di quannu lu casteddu si sparava ? E mi ci misi a lu latu di tia

Ca ada ogni tantu ti puzzuliava. Guarda lu cori miu chi jiamma avia Ca c’era to manuzza e ti guardava. S’un era ca to ma’ ti custudia, Mmezzu l’aggenti stissi ti vasava.

Cattolica Eraclea

XXII.

Su stancu, abbintu taliannu a tia :

‘Na statua di morti vajiu annannu.

Megliu calava l’occhi e ‘un ti vidia :

 Lu jiri pi stu munnu spasimannu.

Ma cu ss’ucchiuzzi  to ‘mmagasti a mia,

 Subitu mi mintisti a to’ cumannu.

Nesciunu mirò  salvu  di tia…

Bedda a li graziii to m’arricumannu.

Cianciana